પર્સનલ ઈનબોક્સમાં સાચવી રાખેલ,
તારા એક એક ઈ-મૅલ હું એક પછી એક વાંચતી ગઈ,
જાણે લૅપટૉપની સ્ક્રીનમાં ખુદને કેદ કરતી ગઈ,
"લવ લેટરની જગ્યા એ હતા લવ ઈ-મૅલ"
રોજ સવારે ઑફિસ પહોંચી..
હું પહેલો જ તારો મૅલ વાંચતી,
અને ત્યાર પછી જ મારા દિવસની શરૂઆત થતી,
ને એક આચકાથી હું ખુદને આ બધામાંથી બહાર ખેંચી લાવી..
હવે આ બધુ સાચવી રાખવાનો શું ફાયદો..?
સિલેક્ટ ઑલ કરી પરાણે હુ કર્સર ડિલીટ તરફ લઈ ગઈ,
ને થોડી જ ક્ષણોમાં ઉપર લખાણ આવી ગયું,
યૉર ઑલ કનર્વરસૅજન હેવ બીન મુવ્ડ ટુ ધ ટ્રેશ ,
સબંધ....,જે ક્યારનોય ડિલીટ થઈ ગયો હતો,
એ અંતે આજે ટ્રેશ થઈ ગયો..
0 comments:
Post a Comment