જિંદગીની રીત

ફાવી જેવી રીત એ રીતથી જિંદગી અમે મહેકાવી છે,
તમે છાંટી ને ફરો અત્તર અમે તો ધૂપસળી સળગાવી છે.

મનમાં ભલે હોળી પ્રગટે ચહેરે દિવાળી બતાવી છે,
તમે પ્રગટાવો દીવા અમે જાત અમારી બાળી છે.

ચોમાસે તમે છત્રી પલાળી જાતને ભીનાશથી બચાવી છે,
લો અમે તો ભર બપોરે પોતાને પરસેવામાં પલાળી છે.

કેમ હવે આ રહી રહીને કતાર ફૂલછાબની તમે લગાવી છે,
ચૂંટી લીધું હવે અમે ફૂલ ત્યાંથી જે સૌથી ઊંચી ડાળી છે.