આખરે મળ્યાં એ જ રીતે..

આખરે મળ્યાં એ જ રીતે..
વિચાર ઘણીવાર જે રીતે મળવાનાં કર્યાં,

નિ:સ્વાર્થે એક-મેકને હવાલે થઈ..
કૈંક અધુરા રહેલા સપનાં અમે સાકાર કર્યાં,

ગયા બસ એકવાર બંધનોથી પર..
ને મનનાં ભાવને નવેસરથી આકાર કર્યાં,

વળગાળી એક-મેકને ગળે..
અમે આપ-લે શ્વસનનાં ભરપૂર કર્યાં,

હવાનાં સ્પર્શને ભૂલી જઈને..
ખુદને તરબોળ પ્રેમ-પ્રસ્વેદમાં વારં-વાર કર્યાં,

બહુ જાજો સમય મેળવ્યો હતો...
પણ એમાં જીવન અમે ઘણાં પસાર કર્યાં,

હજી છીએ એમ જ એક-મેકનાં..
એ વાક્યો વગર બોલે અમે પુરવાર કર્યાં,

આખરે મળ્યાં એ જ રીતે..
વિચાર ઘણીવાર જે રીતે મળવાનાં કર્યાં.