પ્રેમ- સ્પર્શ

તડકામાં જો જોઉ તો તુ પડછાયા જેવો લાગે..,
આયનામાં જો જોઉ તો પ્રતિબિંબ જેવો લાગે..,

આંખો બંધ કરું તો તુ અહેસાસ જેવો લાગે..,
અંધકારમાં જો ખોવાઉ તો આભાશ જેવો લાગે..,

રસ્તા પર જો ચાલુ તો તુ સથવાર જેવો લાગે..,
ને ચાલતા ચાલતા અટકું તો મંજીલ જેવો લાગે..,

આંખો જો ખોલુ સવારે તો તુ સપના જેવો લાગે..,
ને સપનામં જો મળું તને તો હકીકત જેવો લાગે..,

નયનો મારા પલકારું તો તુ નજરો જેવો લાગે..,
ને હોઠ જો કરડુ મારા તો ચુંબન જેવો લાગે..,

પલડે મારું તન તો તુ ભીનાશ જેવો લાગે..,
લપેટાઉ હું જો વસ્ત્રમાં તો સ્પર્શ જેવો લાગે..,

ભીડમાં જો હું મુંજાઉ તો તુ નિરવતા જેવો લાગે..,
ને આમ એકલા એકલા હરખાઉ તો આ "કવિતા" જેવો લાગે..,

એક અરસા પછી મળે તોય દરરોજ જેવો જ લાગે..,
ને કેટલેય દૂર કેમ ના હોય મારા અંદર સમાયેલો લાગે.