એમતો હું અનેક જાતની ભાવનાઓ અંહી મુકવા પ્રયત્ન કરું છું..પણ આજે વુમન્સ ડે..એટલે,જરા સ્ત્રી તરીકે સ્ત્રીના પક્ષમાં.એવુ નથી કે પુરુષોને તકલીફ ન હોય,એમને પણ દર્દ હોય છે જ,ને એ પણ બધું જ નિભાવતા હોય છે..પણ સ્ત્રી માટે નો ખાસ દિવસ છે જ તો..લાભ લઉ છું અને નિચેની ત્રણ રચનાઓ.."Women's Day Special" તરીકે..
To,
All the ladies on earth..and universe..
અમે પાંખ વગરનાં પતંગા,
અમે પાંખ વગરનાં પતંગા,
રસોડાનાં રાણી અમે,
રોજ દીવાનખંડ સજાવતાં,
બારી માંથી મન બહાર મોકલી ને,
અમેતો બધે જ ફરી ને આવતાં,
અમે પાંખ વગરનાં પતંગા,
અમે પાંખ વગરનાં પતંગા,
શમણાનાં બાગમાં વિહરતાં અમે ને,
આશાઓ ના પવનમાં ઊડતાં,
મનોબળની સુવાસ અમેતો,
ચારે કોર ફેલાવતા,
અમે પાંખ વગરનાં પતંગા,
અમે પાંખ વગરનાં પતંગા,
સહુંની વાતો માનતા અમે ને,
સહું ને વહાલા બનાવતાં,
સ્થાન ન મળે તો પણ અમેતો,
બધેજ સ્થિરતા રાખતા,
અમે પાંખ વગરનાં પતંગા,
અમે પાંખ વગરનાં પતંગા.
Saturday, March 8, 2008
અમે પાંખ વગરનાં પતંગા.
Posted by
હું.. દિગીશા શેઠ પારેખ,
at
1:03 PM
8
comments
કકું..ક્યાંક ખોવાઈ ગઈ.
કુંજલ...જરા જોતો દાળ થઈ ગઈ છે..?
અરે...!આજે આંઠ તારીખ થઈ...?
કુંજલ આ ઈસ્ત્રીવાળાનો હિસાબ બાકી છે..?
કુંજલ કાકી..કુંજલ કાકી...મારું બૉર્નવીટા..?
કુંજલ:આપું બેટા..
અરે..ઓ..કુંજલ..અંદરનાં કબાટની ચાવી જોઈ?
કુંજલ: હા..ભાભી ગાદલા નીચે મૂકી.
છોટી ભાભી સાબુંન ખતમ હો ગયા..નિકાલ દોના...
હાં..દેતી હું..
કુંજલ ડાર્લીંગ...મારો નાસ્તો..કેટલી વાર..?
કુંજલ: બે મિનિટમાં આપું બસ..
ટિપોઈ પર પડેલા છાપાંની હેડ લાઈન...
"આજે વુમન્સ ડે...તમે કેવી રીતે મનાવશો?"
મારી વહાલી ભાભી..છાપું પછી જુઓને..
મારું ટોપ નથી મળતું..તમે જોયું..?
કુંજલ:જોઈ આપું હમણાં જ..
ટ્રીંગ..ટ્રીંગ...ટ્રીંગ..ફોનની રીંગ,
હેલ્લો..હું..પિનું..તમે કોણ..?
હેલો..હું માનસી બોલું,મારે કકું સાથે વાત કરવી છે,
કકું..એ કોણ છે...??..દાદા..વાત કરો ને..
હેલો...હાંજી..
જી નમસ્તે..હું માનસી,યુ.એસ.થી..
મારે કકું..આઈ મીન કુંજલ સાથે વાત કરવી છે,
હા એક મિનીટ..કુંજલ તમારો ફોન..
કુંજલ:હેલો..
હાય..કકું..હું માનસી..હું સુરત આવી છું..
અલી કકું..શું કરે છે??ક્યાં ખોવાઈ ગઈ છે??
કુંજલ:(મનમાં)હું તો અંહી જ ઊભી છું..પણ..
કકું....,કકું..ક્યાંક ખોવાઈ ગઈ.
Posted by
હું.. દિગીશા શેઠ પારેખ,
at
1:01 PM
5
comments
પતંગ જેવી જ ગઈ જિંદગી મારી,
એક ઠુમકે કોઈએ ચગાવી લીધી,
ના આવડ્યું ચગાવતા તો ઉતારી લીધી,
સ્થીર રહી તો સેલની મજા લીધી,
ડબુકવા લાગી થોડી તો પેચની સજા દીધી.
Posted by
હું.. દિગીશા શેઠ પારેખ,
at
10:58 AM
3
comments
Wednesday, March 5, 2008
કેટલાક શેર:
**** દ્વાર હૃદયનાં રાખ્યા સદાય સળગતા એ માટે,
ના તો એ બહાર નીકળી શકે,
કે ના કોઈ બિજું અંદર જઈ શકે.
****લાગણીઓ એમના માટેની છે ચોમાસાની જીવાત જેવી,
એક સામટી હૃદયમાં ઉભરાય છે ને આખા શરીરે ગલગલીયા કરી જાય છે.
****એક હતી વસંત એમા હોંશે હોશેં ખીલી ગયા,
હવે રાહ જોવાય છે પાનખરની કે..ક્યારે ખરીયે
ને કોઈ આવી વિણી જાય.
****ઠેસ જરીક વાગી તો પ્યાલો આખો ઢોળાઈ ગયો,
જરા જો આવી નિંદર એમા સપનાથી ભરાઈ ગયો.
Posted by
હું.. દિગીશા શેઠ પારેખ,
at
2:37 PM
7
comments
હાલ એવા પણ નથી
હાલ એવા પણ નથી જે વર્ણવી ના શકું,
પણ એમ કંઈ સહેલાઈથી શબ્દવી ના શકું,
એક લાગણી જે બધાંઈ શકે નહી તાંતણે,
થોડી મૂંઝવણને કારણે એને ગુંચવી ના શકું,
હોઠ જે સદાયથી રમે છે હાસ્યની વચ્ચે,
એમ એક જ દાવમાં એને હરાવી ના શકું,
રાખું હું મન ભલે બાળક જેવું જ પણ,
"પ્રેમ"ને તો રમકડું સમજી ભુલાવી ના શકું.
Posted by
હું.. દિગીશા શેઠ પારેખ,
at
2:27 PM
5
comments
Wednesday, February 13, 2008
હું તને જ ચાહું છું
valentineday special....
પ્રેમીઓ માટેનો આ પ્રેમ ભર્યો દિવસ...દિલમાં પ્રેમ જગાવી જાય છે..
એમ તો કંઈ જરૂરી નથી કે આજ દિવસે પ્રેમ વ્યક્ત થાય પણ..
સહું કોઈ ને પ્રેમની કટારી તો વાગી જ હોય છે,
ને આવા દિવસે એ કટારીએ આપેલું મીઠું મીઠું દર્દ યાદ આવી જાય છે..
તો રજું કરું છું આ બે પ્રણય કાવ્ય.
હું તને ધારું તો હું તને જ જોઉં છું,
હોય આસ-પાસ હવા છતા,
હું તને જ શ્વસું છું,
અનેક મુલાકાત પછી પણ,
હું તને જ શોધું છું,
ચહેરાઓનાં આ જંગલમાં,
જાણે હું તને જ જાણું છું,
હું તને વિચારું જો તો હું તને જ લખું છું,
મેળવું અનેક રૂપમાં તને પણ,
હું તને જ યાચું છું,
તું છે હ્રદય સામ્રાજ્ઞી,
હું તને જ ચાહું છું,
તું છે મારાં રોમ રોમમાં,
હું તને જ જીવું છું.
Posted by
હું.. દિગીશા શેઠ પારેખ,
at
8:12 PM
4
comments
પ્રેમ-પત્ર
તારો પ્રેમ તો મને હમેંશા મળવાનો જ છે,
છતા આજે હું એક પ્રેમ-પત્ર લખું છું,
પ્રેમી તો તારો હું કાયમનો છું,
આજે આશીક બનવા ઇચ્છું છું,
રોજ જ તારી સાથે પ્રેમ કરું છું,
પણ આજે અલગ પ્રેમ વ્યક્ત કરવા માગું છું,
રાતનાં તો બહું નીંદર આવી જાય છે,
એટલે દિવસમાં સપનાં જોઉં છું,
સપના તો ખેર તારા જ હોય ને,
ભૂલથી કોઈ બીજી આવી જાય તો...
તને એની સાથે લડતાં જોઉં છું,
તું મારા માટે સૌંદર્યની મૂરત છે,
તને જોવાની હું રોજ મજા લૂટું છું,
શરીરથી તો અત્યારે તારાથી દૂર છું,
પણ મનથી તારી આસ-પાસ જ ફરું છું,
તને ખૂશ કરવાનાં અવસર હું વારંવાર ચૂકું છું,
પણ આજે આ બધું લખી સાટું વળવા માગું છું,
તુ કમળ બની ને ખિલજે આજે..,
હું ભમર બની ને આવું છું,
શબ્દોની આવી જાળ બિછાવી..
તને જ તો ફાંસવા મથું છું,
ખુશ થઈને આ કાગળ ને ના ચુમતી..
થોડીક ક્ષણ રાહ જો..
હું હમણા જ આવું છું.
Posted by
હું.. દિગીશા શેઠ પારેખ,
at
8:10 PM
10
comments
Saturday, February 9, 2008
એક ઝરણું
શાંત છે,શ્વેત છે,નિર્મળ પણ છે,
ને છે જરા ખારાશ એના સ્વભાવમાં,
પણ નથી કશો ખળભળાટ એના અવાજમાં,
શકુન છે,હળવાશ છે,એમા ભાર પણ છે,
ને છે હ્રદયની ઊર્મિઓ એના વલણમાં,
પણ નથી કોઈ ઉછળ કુદ એના વહેણમાં,
લીપાઈ જાય છે ક્યારેક કોઈ રેશમી રૂમાલમાં,
કાંતો ઝીલાય છે એ કોઈના કુમળા હાથમાં,
છે શું એ..આવ્યું કંઈ તમારા ખ્યાલમાં..?
અરે!એ છે એક ઝરણું જે ફૂટે છે આંખમાં.
Posted by
હું.. દિગીશા શેઠ પારેખ,
at
3:22 PM
6
comments
Tuesday, January 29, 2008
મુક્તક (ભાગ-૩)
****ઓલવેલી રાખશો જો શમા,
કો' પતંગ પાસ ફરકશે નહીં,
રાખો ખુદનું અજવળું જરા,
કો' ઉધાર દેવા આવશે નહીં
****અંગ નહીં અંગત બનું,સંગ નહીં સોબત બનું,
સાથ ઓછો પડે ત્યાં હું સહારો બનું,
આભ આંબવા ચાહો તો મિનારો બનું,
તમે જો વહી આવો તો હું કિનારો બનું.
****તકદીર નીકળી જરાક વાંકી ને એમની તસ્વીર રહી ગઈ મારી આંખમાં,
રાખી હમેંશા નજર એમજ સિધી જાણે કંઈ નાં ખુંચ્યું હોય મારી આંખમાં,
ના દેખાય આસ-પાસ ધુમાડો ના અગન જ્વાળા જણાય મારી આંખમાં,
સહુ સમજે છે હર્ષનાં આંસુ છે પણ એક સપનું બળી ગયું મારી આંખમાં.
Posted by
હું.. દિગીશા શેઠ પારેખ,
at
1:27 PM
3
comments
Thursday, January 24, 2008
રાખી શકશે ના અહીં કોઈ તને,
ક્યાં તારો કોઈ જામીનદાર છે,
આપ્યું જીવન તને જેણે ઉધાર,
એની વસુલી બહુ દમદાર છે,
છે એના હાથમાં એક ગોફણ,
ને એનો નિશાનો ધારદાર છે,
છીનવી ને લઈ જશે એ તને,
એવી મોત તારા પર હક્કદાર છે.
Posted by
હું.. દિગીશા શેઠ પારેખ,
at
12:39 PM
5
comments
